أفضل وظيفة فى العالم

Facebook
LinkedIn
Twitter
Google+
http://blog.wuzzuf.net/%D8%A3%D9%81%D8%B6%D9%84-%D9%88%D8%B8%D9%8A%D9%81%D8%A9-%D9%81%D9%89-%D8%A7%D9%84%D8%B9%D8%A7%D9%84%D9%85/">
Pinterest
SHARE

بعد يوم شغل عادي, رجعت البيت ومكنش ليا مزاج حقيقي أكمل شغل لما روحت. حضرت أكلي و فتحت التليفزيون على قناة “ناشونال جيوغرافيك”. الواحد يتفرج على حياة الحيوانات يمكن يتعلم منهم النظام وروح الفريق شوية.

البرنامج التالي “أفضل وظيفة في العالم”

فعلا..! طيب خلينا نشوف ايه البرنامج اللي هيقولي على أفضل وظيفة في العالم ده. موسيقى استوائية و شاب لابس شورت وواقف على الشاطئ وبصرخ و بيقول “وهذه أفضل وظيفة في العاااااالم”.
الموضوع و ما فيه نقلا من اعلان البرنامج نفسه “في فبراير 2009 تم الإعلان عن منصب وظيفي غير عادي: مطلوب مراقب لمدة 6 أشهر، عند الحاجز المرجاني العظيم، على الساحل الشرقي لأستراليا. الوظيفة مفتوحة لجميع الجنسيات، وقد تم تقديم 35 ألف طلب لهذه الوظيفة لاحقًا. وتم اختيار مراقب لنحو 600 جزيرة عند الحاجز المرجاني العظيم، وهذا المراقب هو بن ساوثول البالغ من العمر 33 عامًا وهو إنجليزي الجنسية، عاشق للسفر والمغامرة”
الشيء الرئيسي الي بيعمله “بن” هو انه يتعلم ويعرف كل اللي يقدر يعرفه عن الشعاب المرجانية, وعن بيئتها وحياتها البرية، وتأثيرها على السياحة والاحتباس الحراري. يعني هما جايبين الراجل اللطيف ده من بين 35 ألف واحد قدموا من كل أنحاء العالم وعملول ليه برنامج بأسم “أفضل وظيفة في العالم” علشان يتعلم! مش علشان يضيف من خبراته العظيمة للوظيفة نفسها.
ايه ده؟ يعني هو الواحد بيتعلم عشان يشتغل ولا بيشتغل عشان يتعلم؟ الإجابة: الإثنين صح. لازم يبقى عندك المعلومات الاولية اللي تخليك تقدر تشتغل بس الأهم جدا انك تتعلم من الشغل بشكل يقدر يكًون عندك خبرات ومعلومات تقدر تستخدمها وتستفيد بيها في الحياة. خلي الوظيفة تبقى المدرس بتاعك الجديد. خليها تعلمك كل يوم حاجة جديدة, خليها تنمي فضولك أكتر أنك تعرف وتتعلم أكتر. .. ده الهدف الأساسي من الشغل أو الوظيفة.

tumblr_luf1quu8W41qi23vmo1_400

الحاجه المهمة التانية اللي لاحظتها ان “بن” كان بيستمتع بكل خطوة بيعملها في وظيفته على الرغم من إن فيها مجهود بدني كبير – بعيدا عن ان اي حد هيبقى موجود وعايش على الساحل الشرقي لأستراليا وسط الطبيعة الخلابة ده هيبقى مبسوط – بس فعلا الإستمتاع بالشغل أحد اهم الحاجات اللي بتخليك مبسوط وانت بتشتغل. عشان كده وأنت بتختار وظيفة لازم تكون متأكد ان مهام الوظيفة ده هاتستمتع بكل دقيقة فيها وان الإستمتاع ده هيكون الدافع الأول بتاعه انك بتتعلم في كل خطوة على قد ما تقدر .. وتتنقل الى الخطوة اللي بعدها وتستمتع أكتر.
كتير منكم لو شاف البرنامج ها يحس ان “بن” بيتفسح مش بيشتغل وإن أكيد مافيش شغل ممكن يكون ممتع زي اللي هو بيعمله وديه هتكون وجهة نظر فيها كتير من الصواب. بس اللي تقدر تاخده كمان من تجربة “بن” هو الرغبة الشديدة في المعرفة والتعلم حتى لو الوظيفة اللي بيشتغلها كان من اكتر الوظايف راحة.
اللي اتعلمته من “بن” هو اني أدور على الوظيفة اللي بحلم بيها وتخليني أحس ان شخص مهم جدا ومنتج جدا .. الوظيفة اللي بحلم بيها مش لازم يكون اسمي فيها المدير او المشرف العام او اي منصب قيادي .. ممكن تكون من أبسط الحاجات اللي في الدنيا .. بس المهم انك تسعى وراء حلمك! وكمان لو أنا دلوقتي مش بشتغل في الوظيفة اللي بحلم بيها، أقدر أخلي وظيفتي الحالية “أحسن وظيفة في العالم” بإني أتعلم منها كل اللي أقدر أتعلمه عشان لما أوصل لوظيفة أحلامي الحقيقية أكون مستعدلها جدا!

dream-job-next-exit-pic

خلي انت كمان وظيفتك “أفضل وظيفة في العالم” واستمتع بكل لحظة فيها.


Facebook
LinkedIn
Twitter
Google+
http://blog.wuzzuf.net/%D8%A3%D9%81%D8%B6%D9%84-%D9%88%D8%B8%D9%8A%D9%81%D8%A9-%D9%81%D9%89-%D8%A7%D9%84%D8%B9%D8%A7%D9%84%D9%85/">
Pinterest
SHARE


Menu