إزاي تكون من ال3% اللي بيتوظفوا

Facebook
LinkedIn
Twitter
Google+
http://blog.wuzzuf.net/%D8%A5%D8%B2%D8%A7%D9%8A-%D8%AA%D9%83%D9%88%D9%86-%D9%85%D9%86-%D8%A7%D9%843-%D8%A7%D9%84%D9%84%D9%8A-%D8%A8%D9%8A%D8%AA%D9%88%D8%B8%D9%81%D9%88%D8%A7/">
Pinterest
SHARE

عملنا interview مع مي مطاوع – متخصصة في التوظيف في شركة Wuzzuf – و قالت إن عشان تعين واحد في وظيفة محتاج تعمل 10 interviews على الأقل و عشان تجيب ال 10 محتاج 30-40 متقدم متوافق مع شروط الوظيفة, يعني 3% من المتقدمين هما اللي بيتعينوا.
و سألناها الأسئلة دي عشان لو انت بتقدم على وظيفة تقدر تحط نفسك مكان ال recruiter و تبقى من ال 3% اللي بيتعينوا.

هنبتدي من أول مرحلة اللي هي ال Cover Letter لحد ال interview

:Cover Letter

إيه الحاجات المهمة بالنسبالك في ال Cover letter؟

لو entry levelيحكي عن الحاجات اللي عملها في الجامعة, أنشطة طلابية, أعمال تطوعية, مشاركة في منظمات خيرية و في الCV يسردها في شكل نقط مبسطة أما بالنسبة لل experienced يحكي عن شغله, ايه اللي كان بيعمله في شغله له علاقة بالشغل اللي مقدم عليه و ايه الانجازات اللي عملها.

:CV

إيه أول حاجة بتشوفيها في ال CV مهمة بالنسبالك للشخص الEntry level؟

الكلية اللي متخرج منها و أي أنشطة مذكورة أو Courses , مش بكون منتظرة أشوف حاجات كتير لإني مش طالبة خبرة

ايه أكتر حاجات بتضايقك في ال CV؟

ال Format اللي مش مريح زي خطوط, أحجام أو ألوان غير متناسقة أو حاجات مش بتضيف قيمة زي ال border
أو معلومات مش مفيدة زي مثلا لو حد اسمه أحمد و حاطط ال gender:male لكن لو حد اسمه علاء و ال CV بالإنجلش ساعتها محتاج يوضح ال Gender.

ايه اللي محتاجة تشوفيه في ال CV للشخص ال experienced؟

محتاجة أشوف job description مسرودة على شكل نقاط عشان ال title لوحده مش كافي عشان بيبقى في تشابه في titles مع اختلاف ال job role و في أخطاء شائعة في الCV ممكن تعدي بالنسبة لل entry بس في حالة ال experience لازم يكون ما فيهوش أخطاء بقدر الإمكان.

:Phone call

إيه أهمية ال phone call؟

بالنسبة لوظايف معينة بتكون مهمة جدا عشان المكالمة مش بتكون متوقعة. في حالة وظايف ال Sales مثلا بتقدر تعرفattitude أو English skills أو ال communication skills و عامة بتشوف إذا ال applicant عارف الشركة أو الوظيفة اللي مقدم عليها و على أساسها قرر يقدم ولا مفيش مجهود أو تفكير كافي لاتخاذ القرار و ده ممكن يثبت عدم الجدية أو العشوائية في التقديم على الوظايف.

Interview:

الحاجات اللي ممكن تخليكي مش عايزة تكملي الانترفيو؟

لو لقيت حد مش فاهم ال job description أو مش عارف نشاط الشركة كويس فده معناه إنه مش عارف ايه ال value
اللي ممكن يقدمها للشركة.

لو حد entry level ازاي بتعرفي هو مناسب ولا لأ؟

في أسئلة كتير بتتسأل عشان تعرف ال potential بتاع الapplicant في قابليته للتعليم أو زي ما بيقولوا”ييجي منه” و لا لأ يعني مثلا لو واحد بيقدم على sales job و قولتله بيع لي الحاجة دي, مش بكون منتظرة منه يبيعها لي بس عايزة أشوفه بيحاول و يجرب كذا طريقة.

حاجة من الحاجات المهمة اللي بتكوني عايزاها في ال applicant؟

شخصيا بكون مهتمة إن الواحد يبقى عنده plan و goals و vision.

   ليه في interviewer بيوتر الناس و “يلبسلهم الوش”؟

الموضوع ده مش بيحصل أو مش صح إنه يحصل فلو حصل يبقى غالبا ال applicant عنده مشكلة في ال attitude أو مطلع negative vibes.

لو في job طالبة سنتين خبرة و ال applicant عنده سنة واحدة هل مينفعش يقدم؟؟

في jobs كتير فيها عوامل كتير تانية تخليك مؤهل زي اللي عنده خبرة أكتر منك, زي ال designers ممكن واحد عنده خبرة قليلة بس عنده creativity عالية أو portfolio أحسن من واحد تاني عنده خبرة أكتر.

لو عندك أسئلة إسألها في Comment :)


Facebook
LinkedIn
Twitter
Google+
http://blog.wuzzuf.net/%D8%A5%D8%B2%D8%A7%D9%8A-%D8%AA%D9%83%D9%88%D9%86-%D9%85%D9%86-%D8%A7%D9%843-%D8%A7%D9%84%D9%84%D9%8A-%D8%A8%D9%8A%D8%AA%D9%88%D8%B8%D9%81%D9%88%D8%A7/">
Pinterest
SHARE


Menu