المديرين عاملين زي مدربين الكورة

Facebook
LinkedIn
Twitter
Google+
http://blog.wuzzuf.net/%D8%A7%D9%84%D9%85%D8%AF%D9%8A%D8%B1%D9%8A%D9%86-%D8%B9%D8%A7%D9%85%D9%84%D9%8A%D9%86-%D8%B2%D9%8A-%D9%85%D8%AF%D8%B1%D8%A8%D9%8A%D9%86-%D8%A7%D9%84%D9%83%D9%88%D8%B1%D8%A9/">
Pinterest
SHARE

الكورة أسلوب حياة
و المدربين ما هما إلا نموذج مكبر من المديرين اللى انت ممكن تتعامل معاهم او تسمع عنهم في حياتك
دة الجزء الأول

سيميوني ستايل (مدرب اتلتكو مدريد)
مدير بيشمر و يمد أيدة عشان يشتغل معاك و ويكسرلك أى قواعد او قوانين في سبيل ان ادارتة و فريقة ينجحوا..لأ كمان يشحنلك دعم معنوي من كل الشركة عشان تشجعك و تحمسك علي إنجاز المهمة حتي لو مش فاهمين هما بيشتغلوا اية.
ممكن يشتمك أو يمرمط بكرامتك الأرض بس انت متقدرش تزعل منة عشان انت بتحبة …..
مدير بيستغل كل مواردة صح و مش مهم البادجت عشان بيعمل من الفسيخ شربات.

زيدان ستايل ( مدرب ريال مدريد)
مدير طيب و حنين و يخلي الفريق ييجي يحكيلوا علي اللي مضايقة حتي لو كان مش شغل….بيعرف يخلق الدوافع لفريقة او إدارتة…و يعرف يخليهم يبدعوا من غير ما يوترهم او يضغط عليهم فتلاقي الشغل طالع بمزاج…مشكلتة انة بيكون غامض و صامت احياناً بس الغموض دة معناة انة بيفكر في مصلحتك دايماً.
انريكي ستايل (مدرب برشلونة)
دة بيكون مدير مبيفهمش في الشغل شخصيتة ضعيفة بس عندة إدارة أو فريق كل واحد فيهم أسطورة و خبرة محترمة فالنتيجة بتكون هما بيبدعوا و هو ياخد وش الكريمة و هما سايبينة عشان حاجتين ياكل عيش و الثانية انة ميقرفهمش في التفاصيل بتاعة الشغل و لما بيحتاجولة ايدك و الأرض…..
مورينهو ستايل (سبشيال وان حالياً في أجازة)
جملتة الأشهر في الإدارة هو دة اللي عندي لو مش عاجبك إمشي و دة بيكون مدير واثق في نفسة لدرجة الغرور لكن لو طاوعتة هتاخد منة خبرة محترمة و هيعمل منك شخص ليك مستقبل لكن هتتثورج علية يبقي امشي احسن… و دايماً هتلاقية يحكي و يتحاكي عن خبراتة و انجازاتة لو مبيحبكش هيبيعك في اول محطة و لو بيحبك هيخسر ناس عشانك.

يورجن كلوب ستايل ( مدرب ليفربول)

المدير الـCool  ساعات بيشيل كل الحواجز لكن شاطر في منطقته والشباب بيحبوه عشان ممكن يعمل معاهم اي حاجة في الوقت الفاضي.. يلعب معاهم يخرج معاهم لكن هو مستعد انة يدب مية خناقة كل يوم في الشركة عشان خاطر إدارته..

هو المدير اللى ممكن تسخنه علي كل الناس

جوارديولا ستايل (مدرب بايرن)
المدير اللي عندة شهادات زى مثلاً MBA – CPA و خريج مدرسة محترمة ليها اسم.
و حالف ليطبق اللي خدة في الشهادة و المدرسة علي الإدارة او الفريق …ادارتة بتكون عيال شاطرة و دحيحة بس عندة مشكلة انة شايف نفسة مش بيغلط و انة دايماً صح لكنة مدير ميختلفش علية اتنين انة محترم و بيقدس و يحب الوقت و الجد و الإلتزام زى ما بيحب ابوة و أمة بالظبط.

فينجر ستايل ( مدرب أرسنال)
مدير عجوز سناً عمرة ما كان عندة انجاز بس مضطر تحترمة عشان سنة و عشان هو مديرك و هو في الغالب بيديك بدائيات الشغلانة و اول ما تعرف تسلك يقولك انت لازم تكبر و تروح حتة أحسن…و لما يجيلة فرد فى ادارتة يكون عندة خبرة بيمشي امورة معاة….
هو المدير اللي بيهتم بالعادات و الأخلاق الحميدة (حضرة التاظر) متكذبش متتأخرش عال شغل من جد وجد و من زرع حصد
رانييري (مدرب ليستر سيتي)
هو المدير المحظوظ اللي ماشية معاة حلاوة و ضحكتلة الدنيا علي كبر و ادارتة مش مصدقة الحظ اللى معاهم فيبتعاملوا معاة علي اساس انة راجل مبروك و بيسمعو كلامة و كل العيال اللي بيشتغلوا معاة عيال اتمرمطط كتير في السوق و في الشارع ما صدقوا انهم اشتغلوا في مكان بيكبر و هيكونلهم قيمة فعشان كدة مش هيعضوا الايد المبخوتة….
مديرك مين في دول؟
و لو انت مدير, انت مين في دول؟

Facebook
LinkedIn
Twitter
Google+
http://blog.wuzzuf.net/%D8%A7%D9%84%D9%85%D8%AF%D9%8A%D8%B1%D9%8A%D9%86-%D8%B9%D8%A7%D9%85%D9%84%D9%8A%D9%86-%D8%B2%D9%8A-%D9%85%D8%AF%D8%B1%D8%A8%D9%8A%D9%86-%D8%A7%D9%84%D9%83%D9%88%D8%B1%D8%A9/">
Pinterest
SHARE


Menu