• Home
  • Career Advice
  • مش هعمل قرارات جديدة السنة الجديدة 2016

مش هعمل قرارات جديدة السنة الجديدة 2016

Facebook
LinkedIn
Twitter
Google+
http://blog.wuzzuf.net/%D9%85%D8%B4-%D9%87%D8%B9%D9%85%D9%84-%D9%82%D8%B1%D8%A7%D8%B1%D8%A7%D8%AA-%D8%AC%D8%AF%D9%8A%D8%AF%D8%A9-%D8%A7%D9%84%D8%B3%D9%86%D8%A9-%D8%A7%D9%84%D8%AC%D8%AF%D9%8A%D8%AF%D8%A9-2016/">
Pinterest
SHARE

انهاردة هنتكلم مع بعض على ايه الاسباب  اللي علماء في مجالات زي ال business و علم النفس لقوها أن بتخلينا منحققش الأهداف بتاعتنا اللي بنحطها كل سنة وإيه البدايل اللي ممكن  نعملها  علشان نحقق أي حاجة احنا عايزنها أو نطور في حاجة احنا اصلا بنعملها

أنا النهاردة جاية اقولوكم أنا ليه مش هعمل قرارات السنة الجديدة

السبب الاول

أن أنا بقرر قرارات كتيرة أوي في نفس الوقت فالموضوع بيتحول من أن أنا عايزة اظبط شوية حاجات في حياتي علشان ابقى أحسن فيها ل أن أنا عايزة ابقى إنسان تاني خالص و ده بيجبلي نوع من الاحباط و بيحسسني دايما أن أنا مش راضية عن نفسي الإقتراح أن أنا هختار حاجة واحدة عايزة اشتغل عليها و اول لما ابدا احقق فيها تطور ادور على حاجة تانية عايزة أبداها

السبب التاني

أن احنا بنربط التغيير بالسنة الجاية و في علماء شافوا أن ده نوع من انواع ال cultural procrastination أو التسويف الجماعي أن احنا كلنا بنتفق مع بعض أن الحاجات اللي هي تقيلة على قلبي و عايزة اغيرها مش قادرة اغيرها دلوقتي السنة الجاية هيحلها ربنا و هبقى اغيرها ساعتها , الاتقتراح أن أنت اول ماتبقى عايز تغير حاجة قرر على طول أنك تشتغل عليها دلوقتي

السبب الثالث

بيبقى أن احنا نقرر قرارات لاسباب غلط فمثلا أن أنا اقرر حاجة علشان حاسس أن في ضغوط عليا أو توقعات عليا محطوطة عليا من ناس تانية مخلياني لازم اعمل حاجة معينة زي مثلا أن أنا لازم اشتغل شغلانة بجد أو أن أنا اشتغل اشوف ناس حوليا بتعمل حاجات أنا اقنع نفسي أن أنا اكيد لو عملت زيهم ابقى مبسوط فمثلا اقول أن أنا لازم ابدا اتعلم yoga أو لازم اركب عجل أو لازم اتعلم photography  أو لازم اعمل private business  زي الناس التانية , في مقولة ل ادريس شاه بتقول بما معناه أن أنا مش مهم بس أن أنا اتعلم, مهم أن أنا اقرر أنا عايزة اتعلم إيه و مش عايزة اتعلم إيه و عايزة اتعلم من مين ومش عايزة اتعلم من مين و عايزة اتعلم امتى و مش عايزة اتعلم امتى و طبعا مش مقصود التعليم الأكاديمي أو الدراسي بس لأ اكتر تعليم بـنتعلمه من تجارب بتاعت الحياة . الاقتراح , استثمر وقت في أن أنت تعرف اكتر عن نفسك و تعرف إيه ال value أو القيمة وراء الحاجة اللي أنت عايز تحققها لأن ده بعد كده هيبقى البصلة بتاعتك اللي هتوجهك كل لما تخرج برة الطريق و كمان هيبقى ال fuel أو الوقود اللي هيشحنك اول ما تحس أن أنت الطاقة بتاعتك قلت شوية أو مش قادر أن أنت تكمل , في فرق كبير ما بين أن أنا لما اقول أنا عايز اقلل شوية الوقت اللي بقضيه على ال facebook أو أن أنا ابقى عارف القيمة اللي وراء الموضوع ده بالنسبالي إيه , لو أنا مثلا القيمة المهمة بالنسبالي العائلة و أن أنا عايز اقضي وقت اكتر معاهم فهقول أن أنا ممكن اعمل كده بان أنا اختار أن أنا هقعد ساعة على ال facebook باليل بعد الشغل أو هشوف طريقة تانية هتوصلني لنفس الغاية اللي أنا عايزها

السبب الرابع

أن السبب نفسه مش واضح, كلنا كل يوم بنقرر قررت زي هبدأ gym بكرة , عايزة ابدا اقرا و هبدأ الماجيستير و عايزة استمتع بحياتي اكتر و عايزة ابطل عصبية, الكلام ده بيبقى عايم شوية مش عارفين ازاي هنحققه ولا هنقيس إزاي احنا اتطورنا فيه ولا لأ. الاقتراحات, اول حاجة أن القرار يبقى محدد على قد ما نقدر فمثلا هقول أنا هوصل لنصف عدد السجاير اللي أنا بشربها في اليوم كمان 3 شهور.

تاني حاجة أن الهدف يبقى بسيط وواقعي, سمعنا كتير عن إزاي اجيب اخري وأنا بحط هدف ,فاحط هدف كبير جدا, ابتدت الناس دلوقتي تقول أن لما بتحط اهداف كبيرة عنها زيادة عن اللزوم وتفشل في تحقيقها مرة واتنين وتلاتة, ده بيحبطها جامد جدا و بيعيد تأثيرات سلبية كتير فابتدت الناس تتكلم عن أن لما تحقق نجاحات بسيطة صغيرة متسلسلة وراء بعض ده بيحسسني اكتر بالفوز أو بالتقدم وبيحسسني أن أنا بقرب اكتر للحلم بتاعي , لو عايز تقرا اكتر عن الفكرة دي اقرا اكتر عن  the progress principle.

تالت حاجة, اقول ولا مقولش, في مدرستين رايهم عكس بعد في الموضوع ده والتنين بنين رايهم على ابحث ودراسة , في رأي بيقولك أن أنت لما تقول لحد أن أنا قررت أن أنا هعمل كذا وكذا وكذا ده بيزود احتمالية أنك تلتزم بالموضوع والرأي التاني بيقول أن احنا لما بنتكلم مع الناس عن القرارات بتاعتنا الجديدة وبنلاقي أن هما عاجبهم القرارات دي وبيمدحونا علشنها , ده بيحقلنا نوع من السعادة والرضا مش بيحصل في العادي غير لما فعلا بنبدأ ناخد خطوات في التنفيذ فمخنا يفتكر أن احنا انجزنا أو وصلنا لحاجة معينة فاحتمالية أن أنا ابدا فعلا بالتنفيذ بتقل , جرب الطريقتين و شوف انهي فيهم مناسبة ليك اكتر وبتجيب نتيجة معاك اكتر وامشي عليها.

رابع حاجة عملية التغيير مش النتيجة بس, في تجربة اتعملت على لعبة النيشان , قسمه ناس تلات مجموعات, المجموعة الأولى طلبه منهم انهم يحققه نتايج معينة والمجموعة التانية علموهم ال technique , إزاي يقفوا وإزاي يرموا, والمجموعة التالتة علموهم ال technique الاول و بعد ما تمكنه منه قالولهم مطلوب منهم ايه في النتايج. النتايج طلعت أن اقل مجموعة حققت نتايج هي المجموعة اللي اتطلب منها النتيجة بس و اعلى مجموعة حققت نتايج هي المجموعة الأخيرة اللي اتعلمت ال technique الاول و بعدين اتطلب منها تحقق حاجة معينة. فمهم أن أنا ابقى عارف ايه هي الخطوات اللي أنا محتاجة اخدها علشان توصلني للحاجة اللي أنا عايزة اعملها وابدا فيها على طول وخطوة تجر خطوة فمثلا بدل أن أنا هدفي أن أنا عايز الاقي شغل تاني ابدا اشوف إيه الخطوات اللي هتخليني اوصل ل ده و اشوف ايه اول خطوة أقدر اعملها انهاردة زي مثلا أن أنا هبدأ اظبط ال CV بتاعي أو هبعته لحد في ال HR يبص عليه و بعد كده ابقى بكتب ال achievements بتاعتي أو الحاجات اللي أنا حققتها و إيه اللي فاضل عشان اوصل للخطوة اللي بعد كده.

السبب الخامس

أن احنا نبقى مش مظبطين توقعاتنا كويس سواء توقعاتي النفسية زي مثلا اقول لنفسي المرة دي مش هزهق والمرة دي هكمل لغاية اخر لحظة والمرة دي مش هفقد الامل أو أن أنا ابقى مش محضر نفسي للحاجات اللي ممكن تطلع تعطلني عن اللي أنا عايز احققه أو تخلي الموضوع مش سالك زي منا متخيل فعندنا اقتراحين للموضوع ده , الاقتراح الاول أن أنا اتقبل فكرة أن مفيش حاجة في الحياة خط مستقيم , كل حاجة فيها ups and downs  و أن أنا ابقى مستعد أن أنا في النص في حاجات هتنزلني شوية وابقى عارف إيه اللي أنا هعمله عشان اطلع تاني, الاقتراح التاني أن من الاول أنت تبقى حاطط لنفسك حاجات هتساعدك لما الخط ينزل لتحت شوية سواء الخط ده نزل لاسباب داخلية زي أن أنا زهقت أو تعبت أو عزيمتي قلت أو لو حاجة حصلت من برة خارج ارادتي , لو أنا مثلا مقرر أن أنا هروح ال gym  ثلاث مرات في الاسبوع , لو اتاخرت في الشغل أو معرفتش اسيب الولاد مع حد , هعمل إيه و هعوض ده إزاي , لو أنا في حاجات في النص وقعتني شوية و عرفت أن أنا اقف تاني واكمل مرة واتنين احتمالية أن أنا اقرب من الهدف بتاعي أو اوصله في الاخر هتعلى جامد جدا .

شاركوا معانا لو في حاجة من الاقتراحات دي نفعت معاكم و لو انتوا عندكوا اقتراحات تانية برده قولوهالنا

مش هعمل قرارات جديدة السنة الجديدة 2016“مش هعمل قرارات جديدة السنة الجديدة 2016” لو انت ناوي تعمل قرارات و خطط جديدة السنة دي, اتفرج على الفيديو ده يمكن تغير رأيكRaising HappyAkhbarak.netتنفيذ Toaster Studioمصادر:The science of setting goals (ideastedcom) http://ideas.ted.com/the-science-of-setting-goals/5 Reasons You May Not Achieve Your Goals (Psychology Today)https://www.psychologytoday.com/blog/the-squeaky-wheel/201412/5-reasons-you-may-not-achieve-your-goalsWhy New Year’s Resolutions Fail (Psychology Today)https://www.psychologytoday.com/blog/wired-success/201012/why-new-years-resolutions-failTeresa Amabile (‘s Progress Principle)http://www.progressprinciple.comKeep your goals to yourself (Derek Sivers:)http://www.ted.com/talks/derek_sivers_keep_your_goals_to_yourselfPeck, M. (1997). The road less travelled and beyond: Spiritual growth in an age of anxiety. London: Rider.Schwartz, J., & Gladding, R. (2011). You are not your brain: The 4-step solution for changing bad habits, ending unhealthy thinking, and taking control of your life. New York: Avery.#happyNewYear#newYear #2016#2016goals
Posted by Wuzzuf.com on Thursday, December 31, 2015

References:
Peck, M. (1997). The road less travelled and beyond: Spiritual growth in an age of anxiety. London: Rider.
Schwartz, J., & Gladding, R. (2011). You are not your brain: The 4-step solution for changing bad habits, ending unhealthy thinking, and taking control of your life. New York: Avery.
The science of setting goals (ideastedcom)
http://ideas.ted.com/the-science-of-setting-goals/
5 Reasons You May Not Achieve Your Goals (Psychology Today)
https://www.psychologytoday.com/blog/the-squeaky-wheel/201412/5-reasons-you-may-not-achieve-your-goals
Why New Year’s Resolutions Fail (Psychology Today)
https://www.psychologytoday.com/blog/wired-success/201012/why-new-years-resolutions-fail
Teresa Amabile (‘s Progress Principle)
http://www.progressprinciple.com
Keep your goals to yourself (Derek Sivers:)
http://www.ted.com/talks/derek_sivers_keep_your_goals_to_yourself


Facebook
LinkedIn
Twitter
Google+
http://blog.wuzzuf.net/%D9%85%D8%B4-%D9%87%D8%B9%D9%85%D9%84-%D9%82%D8%B1%D8%A7%D8%B1%D8%A7%D8%AA-%D8%AC%D8%AF%D9%8A%D8%AF%D8%A9-%D8%A7%D9%84%D8%B3%D9%86%D8%A9-%D8%A7%D9%84%D8%AC%D8%AF%D9%8A%D8%AF%D8%A9-2016/">
Pinterest
SHARE


Menu