• Home
  • Career Advice
  • رسالة لكل محبي القهوة والمشروبات الغازية في رمضان!

رسالة لكل محبي القهوة والمشروبات الغازية في رمضان!

Facebook
LinkedIn
Twitter
Google+
http://blog.wuzzuf.net/1935-2/">
Pinterest
SHARE

هذا المقال مقدم Vezeeta.com

القهوة و المشروبات الغازية  في رمضان
فيه ناس بيعتمدوا على القهوة عشان يقدروا يبتدوا يومهم لدرجة إن ممكن حد منهم ما بيسمعش كلام من حد الصبح لحد ما يشرب القهوة.  بعض الناس دي بيعتبر إن قهوة الصبح بنفس أهمية الوجبات الرئيسية في اليوم. وده لأن القهوة بتحتوي على الكافيين اللي بيدي الطاقة للجسم وبيساعدك تفوق وتركز. الناس دول في رمضان بيواجهوا مشكلة كبيرة مع الصيام، لأن جسمهم اتعود على شرب القهوة، وبيحسوا بعدم ارتياح وأحيانا صداع وإرهاق شديد بسبب الحرمان منها. بس في كام حاجة ممكن تساعدنا نتغلب على الشعور دا:

  • ما تشربش القهوة مع وجبة الإفطار
    الكافيين الموجود في القهوة بيزود إفرازات المعدة اللي بتسبب القرحة لو كانت المعدة فاضية. الطريقة الأفضل لكسر الصيام هو أكل حبتين أو ثلاث حبات تمر. لأنه بيحتوي على الكمية التي بيحتاجها جسمك من السكر.
  • اشرب القهوة بعد ساعتين من وجبة الإفطار
    شربك للقهوة بعد الإفطار بفترة بيدي المجال لجسمك إنه يمتص السكر اللي أخدته من وجبة الإفطار، وده بيضبط مستوى السكر في الدم.
  • ما تشربش القهوة قبل النوم
    القهوة اللي بتحتوي على الكافيين بتسبب لك الأرق، عشان كده لو هتشرب قهوة بالليل اشرب قهوة بدون كافيين. ممكن تجرب مشروبات الأعشاب كمان لأنها بيساعدك على الإسترخاء والنوم.
  • ممكن تشرب القهوة مع السحور
    لو شربت القهوة قبل بدء الصيام مباشرةً، دا بيساعدك على التركيز لفترة أطول خلال اليوم. عشان كده اشرب القهوة والمياه بعد السحور.

وبالنسبة للمشروبات الغازية في رمضان؟

كلنا بنستمتع بالمشروبات الغازية على الإفطار خصوصاً في الجو الحار دا. المشكلة في المشروبات الغازية إننا بنستهلك كتير منها عشان نحس بالانتعاش ونتغلب على العطش. لكن الأطباء بيحذروا من شرب المشروبات الغازية بكميات كبيرة، خاصةً مع الصيام، لأكثر من سبب، منها:

  • ما بتساعدش على الهضم
    المفهوم المتداول عن المشروبات الغازية إنها بتساعد على الهضم هو اعتقاد خاطئ، المشروبات دي غير إنها بتسبب الغازات، كمان بتأثر على عملية الهضم لأنها بتلغي دور الإنزيمات التي بينتجها جسمنا أصلًا عشان تساعد على الهضم.
  • ما تشربش المشروبات الغازية مع السحور
    معظم المشروبات الغازية بتحتوي على سكر كتير، عشان كدة شرب المشروبات الغازية مع السحور بيخليك تحس بالعطش خلال النهار.

في الآخر افتكر إن المياه هو المشروب الأفضل للعطش، ويستحسن ما تستبدلوش بمشروبات أخرى.


Facebook
LinkedIn
Twitter
Google+
http://blog.wuzzuf.net/1935-2/">
Pinterest
SHARE


Menu